Asia-a Kraws lian ber tur Pakistan-ah

Pakistan, Karachi khawpuiah Asia khaw­muala kraws lian ber tur chu siam mek a ni. He kraws hi feet 140-a sang a ni dawn a, silai kah tlang theih loh tura duan a ni. A siamna atan hian steel, iron leh cement-te hman a ni.

Kraws siamtu hi Kristian sumdawng, Parvez Henry Gill a ni a, Kristiante thlan­mual, Gora Qabris­tan-ah a siam a ni. Gill chuan Muslim rama Kristian awmte tan Pathianin eng emaw tak tihsak turin kum li kalta aṭang khan a hriattir tawh nia sawiin, Asia khawmual kraws lian ber tur hi a siamtir ta tih a sawi.

Gill chuan kraws a siam tir chu a dinna tur, leihnuaiah pawh feet 20 zeta thuk laih a nih thu a sawi a, bulletproof niin, tih­chhiat tum an awm a nih pawhin an hlawhtling lo ang, a ti. Gilla chuan kraws chu Pathian chhin­chhiahna entirna a ni tiin, he kraws entute chu an rilru natna leh hahnate a kianphah thei dawn a ni, a ti.

Karachi khaw­puiah hian mihring mak­taduai 21 an awm a, an zinga mak­taduai khat vel hi Kristian a ni. Pakis­tan ram puma mi 90% hi Muslim an ni.