China-ah mi rethei maktaduai 36 an awm

China rama mi rethei, extreme poverty maktaduai 36 vel an awm a, an zingah hian naupang kum ruk hnuai lam maktaduai li an awm tel niin official survey chuan a tarlang.

All-China Women’s Federation leh National Health and Family Planning Commission-te'n report an tihchhuahah, China sorkarin kum sawmthum kalta chhung khan an rama mi maktaduai 600 vel chu dinhmun rethei lutuk aṭangin chawikang tawh mah se, tun thlengin mi maktaduai 36 vel chu dinhmun chhe takah an la ding a ni, a ti.

China ramah hian thingtlang biala cheng, kum khata US dollar 375 leh a aia tlem lalutte chu mi retheia chhal an ni a, hetihlai hian World Bank chuan international poverty line a siamah chuan ni khatah dollar 1.25 leh aia tlem lalut chinah a thliar thung a, hei hi China-in a bihthliah chin aiin a sang zawk.