American tam zawkin drone hman an thlawp

30th May, 2015

US-in Pakistan-a firfiakte beihna atana a chhunga mihring chuan ngai lo chi, drone a hman ṭhin chu America mipui tam zawkin an thlawp.

Pew-in survey a nihah, America mipui zinga 58% chuan Pakistan, Yemen leh Somalia rama drone hman chu ṭha an tih thu an sawi a, hetihlai hian 35% erawh chuan an thlawp lo thung.

Survey hi May 12-18 inkara buatsaih a ni a, US state 50 bakah an ram khawpui Washington-ahte an nei.

Kum 2013 February thla khan survey hi buatsaih a lo ni tawh a, hemi ṭum hian drone hman thlawptu hi 56% an ni.

Republican zingah drone hman thlawptu 74% an awm laiin, Democrats member zingah 52% in an thlawp thung.