Pem tumte buaina ngaihtuah ho

Thailand khawpui, Bang­kok-ah nimin khan mahni ram chhuah­sana ramdanga pem tumte'n har­satna an tawh ṭhin chungchang ngaih­tuahin ram 17 aiawhte'n spe­cial con­ference an nei.

Tun hnaiah Bangladesh leh Myanmar aṭanga pem tuma chhuakte'n harsatna an tawk fo a, hlawkna uma an­mahni hruaitute'n man an hlauh vanga an tlanbo san vang te, an luh tumna ramte'n an lo hnar vangtein tam takin harsatna an tawk a ni.

Tun thla tir aṭang khan Thailand, Malaysia leh Indo­nesia-ahte pem tumin mi 3,500 chuang an lut a, hetihlai hian UN chuan mi 2,500 vel chu tuipuiah an la tangkhang mek niin a sawi. Pem tuma lut zinga a tam zawk hi Myan­mar-a Rohingya Muslim leh, Bang­ladesh mite an ni.

Australia sorkar chuan Thai­land, Malaysia leh Indo­nesia-a pem tuma lutte chhawm­dawlna atan hian dollar maktaduai 5 a pe dawn tih a sawi.