ICC-in Myanmar sipai hotu manna thupek ti chhuak turin ngen

International Criminal Court (ICC) prosecutor chuan Myanmar sipai sorkara an hotu, general Min Aung Hlaing chu Rohingya mite laka an chet dan chungchangah man theihna, arrest warrant ti chhuak turin a ngen.

ICC prosecutor Karim Khan chuan kum 206-17 chhunga Rakhine state-a Rohingya hnam chunga sipaite chet dan chu an chhui chiang tih sawiin, Myamnar sipai, Tatmadaw te chet dan rawng tak leh mi tam tak thah a nihnaah hian Gen Hlaing chu a mawhphurtu a ni, a ti.

Myanmar sipaite Rohingya civil mite laka beihpui an thlak ṭum hian mi sang tel thiin, pawngsual, nghaisak leh hal te an awm a, mi nuai sarih vel chu Bangladesh ramah an tlanchhe bawk.

Prosecutor office chuan, Myanmar ram leh Banglades hmun ṭhenkhata Rohingya mite laka pawikhawihna rapthlak tak thlengah hian sipaite chu national police, border guard police leh Rohingya ni lo civil mi dangte pawhin an pui niin a sawi.

ICC judge-te chuan gen Min Aung Hliang arrest warrant ti chhuak tura ngenna hi an ngaihtuah dawn a, mahse thutlukna siam tur chuan thla eng emaw zat a duh rin a ni. Prosecutor-in Israel prime minister Benjamin Netanyahu leh defence minister hlui, Yoav Gallant te arrest ti chhuak tura a ngenna pawh thla ruk hnuah ICC hian a ti chhuak a ni.