Syria-ah mi 75 an thi

Syria sorkar sipaite'n Aleppo province-ah barrel bomb eng emaw zat an thlak avangin mi 75 an thi a, midang tam takin hliam an tuar.

Sorkar sipaite hian Inrinni khan puak thei thil dahna barrel hi Aleppo province-a helho kuta awm mek, Shaar bialah an thlak a, he hmunah hian mi 20 an thi a, thi zinga tam tak hi chhungkaw khata mite an ni. Bomb pahnihna hi Aleppo city hmarchhak lam, kilometre 40 vela hla al-Bab city-ah thlak a ni leh a, mi 55 vel an thi. He bial hi Israel State (IS) firfiak pawl kuta awm mek a ni.

Syrian Observatory for Human Rights chuan al-Bab khuaa Syria sorkar chetdan chu insuatna a ni tiin, hliam tuar zinga tam tak chu an dinhmun a ngaihtuahawm hle a, hei vang hian thi zat pawh hi an la punchhoh ngei a rin thu a tarlang.