Venezuela eptute'n kawng an zawh

Veneuzela rama eptute pawl chuan kar kalta Inrinni khan an ram khawpui, Caracas-ah kawng zawhin, kum khat chuang zet jail-a tantir tawh, eptu hruaitute chhuah turin sorkar an phut.

Eptu hruaitu, mayor hlui pahnih- Leopoldo Lopez leh Daniel Ceballos-te chu nikum khan sorkar laka hel tura mipuite fuihpawrhah puhin man an lo ni tawh a ni. President Nicolas Maduro chuan nawrh kaihhnawiha buaina chhuaka mi 43 thihnaa mawhphurtuah a puh bawk.

Kar hmasa aṭang khan eptu hruaitu pahnihte hian chhuah phutin an tanna jail-a chawi ngheia nawrh an huaihawt tawh a ni.