Canada-a news outlet 5-in OpenAI an khing

Canada rama news media company panga chuan OpenAI chu phalna nei loa an article a hman avangin copyright leh online term palzutah puhin an khing.

OpenAI khingtute hi Toronto Star, Metroland Media, Postmedia, The Globe and Mail leh The Canadian Press niin, Ontario Superior Court of Justice-ah kar liam ta Zirtawpni khan thubuai hi an thehlut a ni. An khinnaah hian OpenAI in news article a lo hmansak aṭanga hlawkna a hmuh avangin pawisa chawitir an phut a, AI model-te train-na tura article a hmanna manah article pakhatah Canadian dollar 20,000 (USD 14,300) zel chawi turin an phut. Hei bakah hian American artificial intelligence (AI) research organisation chu an article te hman khapsak an phut bawk.