US-in Chinese zirlai te visa tihtawpsak

United States (US) chuan Chinese zirlai leh researcher/research scholar 1,000 chuang visa a tihtawpsak tih Nilaini khan US Deparment chuan a sawi. 

US president Donald Trump kaihhruai sorkar chuan heng zirlai leh researcher-te hi China sipai nen an thawkru nia hriat a nih avangin heng mite US-a an zir zawm phal loin, an visa tihtawpsak an ni ta a ni. Heng zirlaite hian US intellectual property an ruk ṭhin bakah, China sipai People’s Liberation Army (PLA) pui zawnga khawsaah US chuan a puh. 

Thla liam ta khan US secretary of state, Mike Pompeo chuan Chinese zirlai zawng zawng te visa tihtawpsak tur a nih loh tur thu leh, Chinese Communist party nena inzawmna nei erawh tihtawpsak an nih dawn thu a lo sawi chhuak tawh a ni. 

US-ah hian ramdang aṭang zirlai zingah China aṭang kal hi an tam ber a, kum 2018-19 chhung khan US university hrang hranga inziak lut China zirlai 3,70,000 vel an awm.    

Visa tihtawpsak China zirlaite hi Nilaini khan an email-ah hriattir an ni, an zingah hian F1 academic visa nei 50 vel an awm.