Sri Lanka rorellai party-in Bawng talh khap rawtna a pawm

Sri Lanka-a rorellai party Sri Lanka Podujana Peramuna (SLPP) chuan bawng talh khap rawtna a pawm. 

SLPP hian Parliament-ah two-third majority a nei pha a, hei vang hian Parliament-ah pawh he rawtna hi tlangin, Sri Lanka ramah bawng talh khapna dan siam a nih thuai rin a ni. Hemi rual hian ram dang aṭanga bawngsa lakluh erawh a phal thung. 

Sri Lanka hi Buddhist tamna ram a ni a, an ram mipui 99% chuan sa an ei. Mahse Hindu leh Buddhist tam zawk chuan bawng sa an ei lo thung. Buddisht puithiamte chuan prime minister Mahinda Rajapaksa kaihhruai SLPP hi bawng talh khapna dan siam turin an lo nawr fo tawh a ni.