Mi 1,100 thih phahna factory neitu tualthah thubuai siamsak
Kum 2013-a Bangladesh-a thawmhnaw siamna factory chimah khan mi 1,100 an thi a, he factory neitu hi tualthah thubuai siamsak a ni.
Factory neitu Mohammed Shoel Rana hi factory chim aṭanga kar khat hnuah India ramah tlanchhiat a tum a, mahse ramri-ah man a ni. Ani bakah hian a nu leh pa leh midang 40 vel chu tualthah thubuai siamsak an ni bawk.
Factory building, chhawng kua sangah hian chhawng ruk a chim a, mi 1,000 chuang an thih bakah hnathawktu 2,430 vel chu chhanchhuah an ni. Nimin khan factory neitu leh midang lakah thubuai hi ziahluh a ni a, thiam loh chantir an nih chuan thi tura hrem theih an ni ang.