Obama-a'n Rohingya thliarna titawp turin Myanmar a ngen

US President Barack Obama chuan Myanmar-a Rohingya Muslim-te enhranna leh thliarna chu titawp turin a Myanmar sorkar a ngen.

Myanmar sorkar chuan Rohingya-te hi a ram mi angin a pawm lo a, Bangladesh aṭanga an rama lut niin a sawi. Mahse Bangladesh pawhin Rohingya-te hi a ram mi angin a pawm chuang lo a ni.

Human Rights Watch chuan Rohingya-te hi Myanmar-ah hian chhuan eng emaw zat an awm tawh a, heti chung hian enhran an la tawk reng niin a tarlang. Mahse an puhna hi Myanmar sorkar chuan a dik lo tih a sawi thung.

Myanmar navy-te chuan pem tum mi 700 chuang chuanna lawng chu Andaman Sea-ah a ni thumna atan nimin thleng khan an la hreng a, sorkar thupuangtu, Ye Htut chuan lawnga chuangte nihna hi endik sak mek an nih thu leh, eng tih tum a, khawia kal tum nge an nih tihte zawhfiah mek an ni, a ti.Htut chuan, "An zinga tam zawk chuan Bangladesh-a kir leh an duh thu an sawi a ni," a ti.