Mi 458 chuanna lawng Yangtze luiah a pil

China Yangtze lui-ah khualzin 458 phurtu lawng chu Thawhṭanni zan khan a pil.

Lawng hming hi Dong­fangzhixing (Eas­tern Star) a ni a, zan dar 9.28 vel khan Yangtze luia Jianli (Hubei Pro­vince) section-ah a pil a ni.

Lawng captain leh chief engineer-te chu chhanchhuah an ni tawh a, thlipui na takin an lawng a nuai hnuah lawng chu pil ta niin an sawi. He lawng hi Jiangsu Province aṭanga China chhimthlang lam, Chongqing city pana kal a ni.

Lawng pilah hian khualzin 405 leh thawk­tu 47, travel agency wor­ker panga an chuang a, an zinga pariat chhan­chhuah an ni.

China President Xi Jinping chuan lawng pilna hmunah hian chhanchhuah hna thawk­tu tir nghal turin thupek a tichhuak a, mahse thli tleh leh ruahsur na­sa­in chhan­chhuah hna thawh a tibahlah nasa hle.