Namibia-in a vawi khatna atan hmeichhe President nei dawn

Namibia President thar atan vice president ni lai, Netumbo Nandi-Ndaitwah-i thlan a ni a, an ramin hmeichhe president an neih vawi khatna tur a ni.

Electoral Commission chuan November 27-a President thlanna neihah, kum 72 mi Nandi-Ndaitwah hian vote tla aṭanga 57% hmuin thlan tlin a ni tih a puang. Namibia-a rorellai, South West Africa People's Organisation (SWAPO) party chuan kum 34 zet thuneihna an chelh tawh chu an la chelh chhunzawm thei dawn a ni.

President atana thlan thar, Nandi-Ndaitwah hi Anglican pastor fanu niin, kumin February thla khan vice president-ah dah a ni. Kum 1960-ah SWAPO party hi zawmin, party tana mi ṭangkai tak, an party chhunga innghirnghona awm ṭhin pawh chingfel ṭhin nia sawi a ni. SWAPO kaihhruai sorkarah dinhmun pawimawh tak tak a lo chelh tawh a, foreign minister pawh a lo ni tawh bawk.