Japan-in lift-ah toilet dah a tum

Japan sorkar chuan an rama lir a nghing palhah mi tam tak chu lift-ah an tang­khang thei a ni tih a hriatchhuah hnuin, hetiang thil a thlen thulha hman theih turin lift-ah hian toilet leh emergency water dah a tum.

Kar kalta Inrinni khan Japan ramah hian Richer scale-a 7.8-a nain lir a nghing a, lirnghing vanga power supply kaihhlak lai hian mi 17,000 vel chu lift ah an tang tih hriatchhuah an ni. Japan ramah hian lift 620,000 vel a awm a, heng zinga a tam zawk hi lirnghin lai khan hnathawk thei loin an chawl a ni.

Lirnghin laia lift-a chuang­te harsatna tawh chung­chang hi infrastructure ministry leh elevator industry body official-te chuan an sawiho a, lirnghin lo thlen leh thulhah mi tam tak lift-a an tan theih dan chungchangte an sawiho.

Japan sorkar hian an rama kum upa lam an pun zel avangin lift ṭhenkhatah chuan ṭhutna te an siam tawh a ni.