2016-ah MH370 zawn hna titawp dawn

Kum 2014, March 8-a chin hriat loha bo, Malaysia Airlines thlawhtheihna flight MH370 chu Australia kaihhruaina hnuaiah zawn hna thawh chhunzawm reng a la ni a, mahse Joint Agency Coordination Centre (JAAC) chuan nakkum kumtir lamah thlawhtheihna bo zawn hna hi tihtawp a ni dawn tih a sawi.

Australia JACC kaihhruai hian Boeing 777 hi Indian Ocean-ah zawn a ni a, square kilometre 120,000 huam chhungah zawn niin, thil rintlak tak hmuhbelh a nih loh chuan a huang hi zauh an tum tawh lo tih an sawi.

MH370 bo zawn hna hi a hautak hle a, Australia hian dollar maktaduai 80 leh Malaysia-in dollar maktaduai 45 an seng tawh a ni. Mahse tun thlengin thlawhtheihna tla them emaw, a awmna chin hriat theihna tur hmuh a la awm lo.