Drone 5,000 hmangin Santa Claus lem siam

US-a drone company, Sky Elements chuan Texas-ah drone 5,000 light hmangin boruakah Santa Claus lem lian tak an siam a, khawvela drone light show lian ber, Guinness World Record an siam.

Sky Elements hian drone technology company, UVify thawhpui bawkin, drone light show ropui tak hi Texas-a Mansfield-ah an buatsaih a ni. Drone 5,000 hmang hian Santa Claus, a tawlailir chuang lai leh reindeer pahnihin an hnuk lai lem hi siam a ni a, mipuite lawm pawh a hlawh hle. Hemi hma hian he company hian northern hemisphere-ah drone 2,500 an lo thlawh tir tawh bawk.

New York City-ah Rockefeller Centre Christmas tree chu kar liam ta Nilaini zan khan tih en ṭan ni bawkin,feet 74-a sang tree cheina atan hian ligth 50,000 hman a ni. Kum 1913 aṭang khan Rockefeller Center Christmas ceremony hi kumtin hman ṭhin a ni.