9/11 Hriatrengna hun hmang

Al-Qaida firfiakten US-a World Trade Center tower pahnih leh Pentagon an beih champha vawi 19-na pualin, New York-a Memorial & Museum-ah nimin khan he pawikhawihna thlenga thite hriatrengna hun hman a ni.

9/11 Memorial & Museum chuan kum 19 kalta khan US-in chhiatna rapthlak tak a tawn thu leh, minute 102 chhungin an nun thlak danglama a awm thu a tarlang. Hemi ni hriatreng nana hun hman chu an awmna hmun ṭheuhah midangte pawn lo hmang ve turin a sawm.

Kum 2001 September 11 khan Al-Qaida helhote chuan US passenger thlawhtheihna pali an hijack a, heng zinga thlawhtheihna pahnih chuan US-a World Trade Center tower pahnih an suchhia a ni. Virginia khuaa US Department of Defense-a Pentagon chu thlawhtheihna pakhat chuan a su chhe leh bawk. Hemi nia chhiatna thlengah hian mi 3,000 velin nunna an chan a ni.