Ghana-a petrol station kangah mi 200 thi

Ghana khawpui, Accra-a petrol station chu Nilaini zan khan puakin nasa takin a kang zui a, he chhiatna thleng vanga thi hi mi 200 an tling tawh a, mi 35 in hliam na tak an tuar bawk.

Kangmei chhuahna hmun hi Ghana state oil company, GOIL enkawl lai a ni a, kangmei a chhuah chhan hi hriatchian a la ni lo.

Petrol station kan lai hian ruah a sur a, hei vang hian mi tam tak chu tawmhulna zawngin station-ah hian an awm a ni.

Ningani khan President John Dramani Mahama chuan kangmei chhuah vanga thi chhungte a tuarpui thu a sawi a, mitthite sunna hi rampumah ni thum chhung neih a nih tur thu a puang nghal bawk. Interior Minister Mark Woyongo chuan Nilanin zana an rama thil thleng chu rampum tana chhiatna rapthlak tak a ni, a ti.

Kangmei chhuahna hmun­ah hian chhanchhuah hna thawk­tute tirh nghal ni mah se, ruah­sur nasa avangin hna an thawk chak thei lo nia sawi a ni.