US court-in Trump kaihhruai sorkar thil tum hnawlsak

US president Donald Trump kaihhruai sorkarin chhiarpui neiha document tello pem lutte telh ve lo tura rawtna a siam chu Ningani khan New York District Court chuan a hnawlsak. 

Court chuan document nei loa pem lut pawh ni se, US-a 2020 census-ah telh turin an qualify tih a sawi. Sorkar rawt anga document neilo pemlutte chhiarpuiah telh an nih loh chuan US House of Representative-a state tana seat dah theih zat thlengin a nghawng dawn a ni. Census hi state-te seat neih zat tur chhutna atan hman ṭhin a ni. 

President Trump kaihhruai rawtna chu dan kalh a ni tiin court chuan a sawi a, Trump chu a thuneihna piah lam thlenga thu neih tumah a sawi. Sawiseltu dangte pawhin Trump hian politics lama mimal hlawkna neih a tum avanga hetianga ti niin an puh bawk. 

July thla khan Trump chuan presidential memorandum a sign-a, he memorandum-ah hian an rama dan loa pem lut mi maktaduai 10.5 chuang zet te chu an ramin chhiarpui an neih huna chhiar tel loh an nihna tur a ni. Hei hi Ameri­can Civil Liberties Union lawyer (ACLU) chuan court-ah khingin, Ningani khan court chuan sorkar thil tum hi a hnawlsak ta a ni.