White House-ah Covid-19 vaccine summit nei dawn
US sorkar chuan kar leh hian White House-ah Covid-19 Vaccine Summit a buatsaih dawn a, he huna tel tur hian an rama Covid-19 vaccine siamtute bakah, damdawi zuar chhuaktute leh sorkar official-te sawm an ni.
December 8 hian White House-a Covid-19 Vaccine Summit turah hian president Donald Trump bakah, vice president Mike Pence leh private-sector executive-te pawh an tel bawk ang. US Food and Drug Administration (FDA) chuan Moderna Inc leh Pfizer-BioNTech SE In ten vaccine candidate-te dinhmun a enfiah dawn bawk a, mahse hemi hma hian meeting hi neih phawt a ni ang. Moderna Inc chuan Covid-19 vaccine an siam chu 94.1% in a rintlak thu an tarlan hnuah FDA hnenah hian hri kaite enkawlna atan emergency-a hman phalna a dil tawh a ni.
White Houes thupuangtu, Brian Morgenstern chuan President Trump hian FDA-in phalna a pek theih chuan, phalna pek aṭanga darkar 24 chhungin vaccine hi US-a state hrang hrangah pek nghal a duh tih a sawi.