AU annual summit neih a ni

African Union (AU) annual summit chu Pathianni khan South Africa-a Pretoria-ah ṭan a ni a, kumin summit thupui atan 'Year of Women empowerment and Development towards Africa's Agenda 2063' hman a ni.

Permanent Representative Committee (PRC) Chairperson Albert Ranganai Chimbindi chuan an summit thupui atana an hman chu a inhmehin a hun tak a ni, a ti. "African Union hnuaia mihring awm zinga a zahve aia tam chu hmeichhia an ni a, loneih lama hna thawhnaah thawktu hmeichhia 75% an awm a ni," a ti.

Chimbindi chuan Africa chuan hmeichhia leh mipate intluktlanna chu a a hriatchian a hun tawh a ni tiin, hei hian hnam leh ram economy lamah hmasawnna nasa tak a thlen phah ngei dawn tih a sawi. Africa ram hrang hrangte chu mipa leh hmeichhiate intluktlanna atana thutlukna an lo siam tawhte a taka kalpui turin a chah bawk.

Summit-ah hian tun hnaia Kenya, Nigeria leh Somalia rama firfiaka chetna hluar chho chungchang pawh uluk taka ngaihtuah a nih dawn tih PRC Deputy Chairperson Erastus Mwencha chuan a sawi.