MERS vangin mi 1 a thih belh leh

South Korea ramah Thawhlehni khan Middle East Respiratory Syndrome (MERS) hri vei pariat hmuh belh leh an ni a, MERS vei zinga pakhat a thi bawk. He hri vei hmuhchhuah hi 95 an tling tawh a ni.

Hri vei hmuhchhuah thar zinga pathum chu May 27-a Samsung Medical Center emergency room-a MERS vei 14-na enkawl lai aṭangin an kai a ni. Pakhat dang chuan Konyang University Hospital, Daejon-a hri vei enkawl lai aṭangin a kai bawk, midang pali-te chu Seoul leh Gyongngi Province-a general hospital aṭanga kai an ni.