China-ah Suu Kyi

Myanmar ram eptu hruaitu, Aung San Suu Kyi-i chu nimin khan China-ah a zin a, a cham chhungin China President Xi Jinping leh Premier Li Keqiang-te a kawm ang.

Tun hnaiah ram pahnihte inkar boruak hi a ṭha vak lo a, China ramri bulah Myanmar sipaite leh helpawlte an inbei fo a ni. March thla khan Myanmar chuan ramri bula fu huanah helho beihna atan bomb a thlak a, he thil thleng vang hian China chuan ramri-ah venghimtu sipai a dah nghal a ni.

Sipai rorelna hnuaia Myanmar a awm lai leh, Suu Kyi-i house arrest-a hren a nih lai khan China hi Myanmar ram thlawptu rinawm tak a ni reng ṭhin. Mahse kum 2011-a civil sorkar a din hnu khan, Myanmar President Thein Sein chuan China elpui ber, United State chu inzawmna ṭha zawk siampui tumin a hnaih zawk a ni. Hetichung hian China hian Myanmar rama infrastructure project lian kalpuina turah a la pui reng tho a ni.