Vauna vangin White House-a a fimkhur

US President chen­na leh a hna­thawh­na, White House, press room-a thawkte chu Thawh­leh­ni khan bomb a awm nia vauna thu an dawn vangin office aṭangin lakchhuah vek an ni.

Metropolitan Po­lice Department chuan phone call dawng­in, White House press room-ah bomb tih­puahah vau­na an dawng a, hemi hnu hian he room-a hnathawkte leh journalist-te chu hruai chhuah nghal an ni. Press room amite hruai chhuah an nih hnuah secret service officer-te chuan uifing hmangin bomb hi an zawng a, mahse eng­mah hmuh a nih loh avangin darkar chanve hnu velah jour­nalist-te pawh hi room chhungah luhtir leh an ni.

White House thu­puangtu, Josh Earnest chuan President Ba­rack Obama leh a chhungte chu hruai chhuah an ni ve lo tih a sawi.

Hemi hma hian Capitol Hill-a Dirk­sen Senate Office Buil­ding-a awmte pawh police-te'n room chhungah bawm pakhat hmuh a nih thu an dawn avangin venthawn thil­ah hruaichhuah an lo ni tawh bawk. Po­lice-te chuan he thil hi an enfiah nghal a, mahse an thil hmuh hi enge a ni tih sawilan a la ni lo.