Pakistan court-in Imran Khan bail a pawhsei sak

Pakistan court chuan an ram prime minister hlui, Imran Khan leh a nupui Bushra Bibi te chu Tokshakhana 2.0 case-a interim bail a pek chu nakkum January 7 thleng a pawhsei sak.

Kum 72 mi, Imran Khan hi Toksakhana case-ah bail phalsak ni mah se, a thubuai dang eng emaw zat ngaihtuah mek a nih vangin jail-ah a la awm a ni. A npui Bibi erawh chu October thla khan jail aṭanga chhuah tir a ni thung.

Islamabad-a additionals sessions judge Muhammad Afzal Mujoka chuan Thawhlehni Imran Khan te nupa bail dilna hi ngaihtuahin, a pawhsei sak ta a ni. Tokshakhana case 2.0 hi Imran Khan a Prime Minister laia ram hruaiut an nih anga thilpek an dawn, dan phal loha an mimal tana kawl zuia puhna chungchang a ni. Dan kalha an thil dawn an kawl zui zingah hian kum 2021, May thlaa Saudi Arabia an tlawh ṭuma Bulgaqri jewellery set a tel a ni. He set-ah hian zungbun, ngun, ṭhi leh bengbeh awmin, an hlut zawng hi Pakistan pawisaa Rs mtd 75.7 hu vel a tling. He thil hlu tak an mimal tana an kawl zui avangin Khan te nupa hi NAB Ordinance 1999-a Section 9 leh subsection 3,4,6 leh 12 bawhchhiahah puhin thubuai hi siamsak an ni.

Imran Khan hi kum 2022 April thla khan Parliament-ah no-confidence vote hmangin prime minister a nihna aṭanga paihthlak a ni. Paihthlak a nih hnuah hian thubuai tam tak siamsak a ni tawh a, a thubuai ṭhenkhatah thiam chantir a ni tawh bawk.