Japan-in bawlhhlawh paih dan siam zawm lote hming puang dawn

Japan-a Fukushima khawpui chuan nakkum March thla aṭangin bawlhhlawh paih dan tura dan a siamte khauh zawka kengkawhin, he dan zawm lote hming chu vantlang hriata puanzar ṭhin a tum.

City government hian tun kar tir lama meeting neihah bawlhhlawh paih leh sawngbawlna tur dan thar hi an pass a ni. He danin bawhhlawh thliar dan leh, paih theih chin zat bithliah a siamte chu khauh taka kenkawh a tum a ni.

Japan rama khawpui tam takah chuan bawlhhlawhl paihte chu dan siam an zawm leh zawm loh fiah nan garbage bag-a an dahte chu hawngin an enfiah leh kher ṭhin. Fukushima hi dan dik loa bawlhhlawh paih mimal leh sumdawngte hming leh nihna puanzar zel tum hmasa ber a ni thung. Nikum khan Fukushima khawpuiah hian bawlhhlawh paih dan zawm lo mi 9,000 vel report an ni.

Tuna bawlhhlawh paih dan an kalpui mekah chuan dan an zawm loh chuan an bawlhhlawh ipah worker-ten ticket an bel a, hei hi a paihtu chuan enfiah lehin, a paih dan tura duan angin a siamrem leh ṭhina ni. Mahse tuna dar thar an siamah chuan, bawlhhlawh paih dan dik lote chu kar khat chhunga an chinfel loh chuan, city worker-te chuan tunge an nih tih hriatchhuah ngei an tum tawh awn a, ṭawngkama warning an pek hnuah ziakin an hriattir leh ang a, hemi hnuah pawh dan an la zawm loh chuan sorkar website-ah an hming puanzar a ni tawh ang.

Khawpui hrang hrangten bawlhhlawh paih danah hian dan hran an siam a, Fukushima khawpuiah chuan zing tin collection point-ah zing dar 8:30-ah dah vek tur tih a ni a, zan lamah lo dah lawk phal a ni lo.