Nigeria-a inpawngnekna thlengah naupang thi

Nigeria chhimthlang lam, Oyo State-a Basorun khuaa fair buatsaihah mipui inpawngnekna thlengah naupang eng emaw zat an thi a, fair buatsaihtute pawh man an ni tawh bawk.

State governor Seyi Makinde chuan Islamic High School-ah fair hi buatsaih niin, mahse kalkhawm zingah innekbuaina a thleng a, mi eng emaw zatin nunna chanin hliam tuar pawh an awm nual niin a sawi.

Holiday fair buatsaihtu hi Women in Nedd of Guidance and Support Foundation niin, nikumah pawh naupangte pualin an lo buatsaih tawh bawk. Kuminah hian mi 5,000 dawl thei turin fair hian buatsaih a, naupangte tan thilpek ṭha tak tak dawn theihna an siam a, scholarship thlenga dawn theihnate a awm a ni. He huna kalkhawmte innekbuaina thleng chungchang hi chhuizui a nih tur thu Makinde chuan a tarlang.