China-in artificial island airport lian ber siam dawn

China chuan a ram hmarchhak lam, Dalian-ah khawvela artificial island airport lian ber, khualzin mtd 43 dawngsawng thei tur a siam dawn.

Dalian Jinzhouwan International Airport hi ram square kilometer 20-a zauah siam mek a nih thu Liaoning provincial government chuan a tarlang. Zawhfel a nih hunah he airport hian artificial island-a siam, Hong Kong International Airport (square km 12.48) leh Japan-a Kansai International Airprot (square km 10.5) te chu a rawn khum thei dawn a ni.

Jinzhouwan Airport hi mainland China-a artificial airport siam hmasak ber tur a ni bawk. Runway pali awmin, terminal hi square meter 900,000 a zau a ni ang. Terminal hian kum khatah khualzin mtd 43 vel a dawngsawng thei dawn a, hei hi tih zauh belh a la ni dawn bawk.

Global industry, Airports Council International chuan he airport-ah hian kum khatah bungrua ton mtd khat chuang a dawngsawng thei dawn niin a sawi a, airport siamna tur atan hian USD tld 4.3 ruahman, kum 2035-ah zawh hman tum a ni.