Poland minister pathum leh speaker an bang

Poland ram minister pathum leh parliamentary speaker-te chu thuruk an sawina tape put ruk vangin an bang.

Official-te hian War­saw restaurant-a kum 2013-14 chhunga private deal leh promotion chung­chang an sawina chu a ruka record a ni a, an thusawi record hi Wprost magazine chuan tichhuakin, Poland mipuite an thin ur hle.

Poland ramah hian midang thusawi a ruka lo ngaithlak leh record hi dan kalh ni mah se, he thil thleng hian Poland sorkar pawh a nghawng na hle.

Record tihchhuahah hian Foreign minister hlui Sikorski chuan Britain PM David Cameron chu EU affairs a kalpui danah sawiselin, a ṭha tawk lo tiin a sawi a, an ramin US a thawhpuina chu ṭang­kaina nei lo a ti bawk.

Record dangah chuan Interior Minister hlui Bartlomiej Sienkiewicz-a'n rorellai, Civic Platform party sorkar chu thlan nawn a nih theihna tura central bank hotu hnena an ram economy tichak tura a hrilhna pawh a lang. Poland danah chuan central bank hi politics-ah a inhnamhnawih tur a ni lo tih a ni.

Poland inthlanpui hi thla li hnuah neih a ni dawn a, mahse minister-te hmingchhiatna hian rorel lai, Civic Platform party dinhmun a tihchhiat phah rin a ni.