China-in lawng chetsual dan chhuitu tur a din

China chuan June 1-a mi 456 phurtu lawng, Eastern Star chetsual dan chhui turin investigator 60 awmna team a din.

Chongqing-a Yangtze lui-a lawng chesualah hian mi 14 chauh nungdamin an chhuak a ni. Thuneitute chuan thlipui tleh vangin lawng hi a chesual niin sawi mah se, damchhuak zinga mi lawng captain leh engineer chu police-te'n an man a ni.

Lawnga thawk dam­chhuakte pawh thu zawh­fiah an ni a, an ni bakah hian lawng design-tute pawh koh an ni bawk.

Lawng chesuala thi chhungte chuan khawchin ṭha lo avangin kalchhuak lo tura warning pek a ni em tihte an zawt a, hei bakah hian lawng chetsual hma minute 12-a captain chetdan te enfiah a ni bawk. Report chuan captain hian lawng hi a chetsual hma lawk hian a speed a tihsan tir niin a tarlang.