SKorea leh UN health agency-te'n MERS hrileng zirchiang

World Health Orga­niza­tion (WHO) leh Republic of Korea Ministry of Health chuan South Korea rama Middle East Respiratory Syndrome (MERS) hri leng mek chungchang an zirho a, hri leng khuahkhirh a nih theih dan leh hemi kawnga SKorea sorkar hmalak dante an thlir ho bawk.

UN thupuangtu Ste­phane Dujarric chuan Assis­tant Director-General Ddr Keiji Fuduka kaihhruaiin WHO mission hi kalpui mek a nih thu a sawi. Nilaini thleng khan SKorea-ah hian MERS vei finfiah tawh mi 108 an awm a, mi pakua-in an thihpui tawh a ni.

Thuneitute chuan Seoul, Gyeonggi Province, Daejeon leh San city-a pneumonia natna neite chu MERS virus an kai leh kai loh enfiah vek an nih tur thu an sawi. MERS hri vei tawh hnaiha lo awm tawh mi 2,900 dawn chu enfiah turin dahhran an ni tawh bawk a, ramchhung hmun hrang hranga school 2,200 chu khar lailawk an ni bawk.