SKorea investigator-ten Yoon thu zawtfiah turin ko leh

South Korean investigator-te chuan President aṭanga paihthlak tum, Yoon Suk Yeol chu nimin khan December 3, 2024-a martial law a puan chungchangah thu zawhfiah turin an ko leh.

Corrupton Investigation Office for High-Ranking Officials chuan Yoon hi a thuneihna hmang sual leh, helna chawk chhuak zawnga chea puhna a nih chungchangah thu zawhfiah an tum tih an sawi. A chungthu an chhui meknaah Yoon hian investigator lam hi a ṭhawhpui ṭha tawk lo hle a, joint investigation team leh public prosecutor-te ngennate a lo hnar bakah, a office an dap tumte pawh a lo dang bawk.

South Korea parliament, National Assembly member-te chuan an rama sipai thuneihna pekna leh, sipai rorelna hmuna chantir theihna tura martial law a puan avangin, Yoon hi President aṭanga paihthlak rawtna motion put luh chu December 14 khan an lo pawm tawh a ni.

Yoon hian investigator-te ngenna a hnar zel a nih chuan eng ang takin nge hma an lak zui dawn a la hriat lo a, hetih lai hian Yoon hian Constitutional Court-ah an puhna hi chhang let a tum ve bawk.