Pakistan-in Save the Children office khar sak

Pakistan chuan an ram khaw­pui, Islamabad-a naupangte chhawmdawl hna thawktu, Save the Children office a kharsak.

Official-te chuan Ningani khan office gate hi tala-in an kalhsak a, hnathawkte pawh chhuak turin an hrilh lawk vek a ni. Office an kharsak chhan hi an sawi lo.

Sorkar hotute chuan Minis­try of Interior aṭanga thupek an hmuh anga office hi khar an nih thu an sawi.

Save the Children hi Pakistan intelligence agency-te chuan US commando-te'n an thah tak, al-Qaida hotu Osama bin Laden-a chenna, Abbottabad-a CIA tana DNA sample laah a lo puh tawh a, an thiltih thupna atan hian Abbottabad-ah vaccination program kalpui angin an inlantir a ni, a ti.