Suu Kyi-in China President a hmu

China rama cham mek, Myanmar eptu hruaitu Aung San Suu Kyi-i chuan Ningani khan China President Xi Jinping a hmu. Hruaitu pahnihte hi Beijing-a Great Hall of the People-ah an inkawm a ni.

China President leh Communist Party of China (CPC) Central Co­mmittee general secretary ni lai, Xi Jinping chuan China leh Myanmar chu inṭhianṭha tak an nih reng thu a sawi. "Kum 65 chhung chu China leh Myanmar hi inṭhianṭha tak a ni tawh a, thawhdunna ṭha tak an neih chuan rah ṭha tak tak a chhuah tawh a ni," a ti. Ram pahnihte chuan thawhdunna ṭha an neih chhoh zel a beisei thu a sawi bawk.

Suu Kyi pawhin Myanmar leh China-te'n boruak ṭha tak an neih zel chu thil pawimawh tak a ni, a ti. Suu Kyi-i hi CPC sawmna anga China rama zin a ni a, Nilaini khan China thlengin, tum ṭum hi China ram a tlawh hmasa ber a ni.

Nilaini tlai khan Suu Kyi hian Chinese People's Political Consul­tative Conference (CPPCC) National Committee vice chairman leh CPC Central Committee International Department hotu Wang Jiarui a hmu tawh bawk.

Ningani khan President Xi Jinping bakah State Councilor Yang Jiechi leh All-China Women's Federation president Shen Yueyue-te a kawm bawk.