NKorea-in South Korea-US-Japan inbiakna a sawisel

North Korea chuan Inrinni liam ta khan South Korea-US-Japan ramten Indo-Pacific region chungchanga inbiakna an neih chu na takin a sawisel leh a, US chuan ram dangte muanna tichhetu leh, hemi atan hian Asia ramte thawhpuiah a puh.

December 11, 2024 khan ram pathumte hian Tokyo-ah inbiakna hi an nei a, Indo-Pacific region-a muanna leh boruak ṭha a awm theihna tura hma lak dan turte an sawi ho a ni. Hei hi kumin January hnua hemi kaihhnawih thila ram pathumten inbiak an neih ṭum hnihna a ni.

NKorea chuan an meeting neih hi na taka sawiselin, US chu indonaa tel reng leh, midang ram laka foreign policy kalpuiah a puh a, hmun hrang hranga boruak ralmuang leh himna tichhetu a ni, ati. Japan pawh remna leh muanna duhtuah an pawm lo tih sawiin, SKorea chuan US in midang ram lak leh induna a kalpuina policy kengkawhtu tiin a puh.

Hetih lai hian SKorea foreign ministry chuan ram pathumte thawh hona leh, North Korea kaihhnawih thilte sawi ho turin an first vice foreign minister Kim Hong-kyun chuan tun kar chhungin US leh Japan a tlawh dawn tih a sawi.