Congo-a lawng chesualah mi 38 an thi

Congo hmarchhak lam, Busira lui-a lawng chesualah Krismas hmang tura haw, mi 38 an thi a, mi 100 chuang chin hriat lohin an awm.

Official-te chuan lawng Zirtawpni zan khan chesualin a let tih an sawi. He lawnga chuangte hi Krismas hmang tura haw an ni. Lawngah hian mi 400 vel an chuang nia sawi ani a, hei hi phurh theih zat tura bituk aiin an tam a ni. Thuneitute chuan lawng neitute chuan an lawnga phurh phalsak chin aia tam phur lo turin an ti fo a, mahse zawm a hlawh ṭha lo hle. Hei vang hian lawnga phurh rih lutuk vanga chetsualna thleng hi a awm fo a ni. Security force leh hepawlte inbeihna thleng ṭhin avangin kawngpui dan niin, a him tawk lo ṭhin a, hei vang hian thinga siam, lawng hi veihn atan an hman nasa hle.

Kumin October thla khan mi an chuan hnem avangin lawng pakhat chu a lo pil tawh bawk a, mi 78 an thi. June thla khan Kinshasa bulah lawng chesual vangin mi 80 in nunna an lo chan tawh bawk a ni.