Official-in US national bird-ah bald eagle puang

US president Joe Biden chuan nimin khan official-in United States national bird-ah bald eagle a puang ta.

Bald eagle hi a lu a var a, a hmui hi engin, a tak hi buang thung. Kum 240 chuang chu US hian national bird angin an lo hmang tawh a, mahse official erawh chuan an la puang lo a ni. National bird a puanna tur bill hi Congress in a pass hnuah President Biden hian Thawhlehni khan lo pawmin a hming a sign hnan ta a ni.

National bird-a puan a nih tak avangin, bald eagle hi national mammal (American bison), national flower (rose) leh national tree (oak) te neih ang official status pek a ni ve ta a ni.

Bald eage hi kum 1782 khan official document atana hman, Great Seal of the United States-ah telh a ni a, hemi kum vek hian Congress chuan national emblem atan a hmang. A thlalak hi official item hrang hrang - presidential flag, military insignia, US currency leh sorkar document-ahte pawh a chuang a ni. Mahse hetianga an hmang chung hian official status pek a ni lo. Official-a puanna tur bill hi House of Representative chuan voice vote hmangin December 16 khan an pawm a ni. Senate chuan July thla khan a lo pawm tawh bawk.