pet chhuah theih loh Kickass

Torrent site lian, Kickass hotupa, Artem Vaulin an man hnuah, khawvela piracy site lian ber Kickass chu thuneituten an la a, an titawp a, mahse a hnu rei vak lo aṭangin Kickass Torrent site danga siam lehnghal a ni.

Kickass clone site hi eng emaw zat a awm nghal a, chung zinga pakhat, KAT.am (KAT = Kickass Torrent) phei chu a lar chak lehnghal hle a, a operator chuan, "Kan lungngai lo. A chhan chu keimahni ni lo, midang eng emaw zatin he game hi an kalpui zel dawn tho...keimahni hi awm lo mah ila midang an rawn awm zel dawn tho," a ti.

Motion Pictures Association chuan KAT.am neitute hi an vau a, an vauna thuah hian darkar 24 chhunga titawp nghal tur emaw, copyright dan piah lama chetna titawp nghal turin an hriattir. KAT.am pawh hi hetia vauna an dawn hnuah hian tihtawp a ni, mahse a dang a awm belh leh. Kickass.cd a awm a, Kickass.mx pawh a awm bawk. KAT.am hi US-a an registry tihtawp a nih avanga shut down a ni a, a dang pahnih khi chu Armenia-a registry nei an ni thung.