Italy-in ei tur paihral venna tihtlemna tur dan siam

Italy sorkar chuan kumtina ei tur bangnawi paihral tam lutuk venna tur dan thar a siam.

Dan thar siam hi senator 181-in an thlawp a, a thlawp vote hnih a tla a, mi 16 an hai thung. Kumtinin Italy hian thil ei bang nawi tihriral ton maktaduai nga vel a nei ṭhin a, hei hi ton maktaduai khatah tihhniam a tum a ni.

Minister-te chuan kumtina chhung≠kaw hrang hrangten ei tur bang nawi an paihral hi dollar tluklehdinganw 12 chuang a tling niin an sawi a, hei hi an ram GDP aṭanga 1% aiin a tam a ni.

UN Food and Agricultural Organisation (FAO) chuan khawvel puma ei tur/chaw nawi paih ral hmun thuma
ṭhena hmun khat chu Europe rama mi a ni tih sawiin, Europe ramten chaw nawi an paihral hi mi maktaduai 200 tana ei khawp a tling a ni, a ti.

Italy ramah hian mi tam tak ei tur mumal nei loa an awm laiin, kumtinin ram pumah chaw nawi an paihral hi a tam hle thung. Thla thum kalta khan an rama court sang ber ei tur tlachhamten an pum puarna tura ei tur leh chaw lam chi tam tham vak lo an ruk chu pawikhawihnaah chhiar a nih loh thu pawh a lo sawi tawh a ni.

Dan siam thar hnuaiah hian sumdawngte chu an ei tur siam, sell-by date pel tawhte pekchhuah khapsak an ni tawh dawn lo a, loneitute pawhin an thil thar chhuah hralh bangte chu charity-ah an pe thei ang. Agricultural ministry chuan ei turte an ṭhat rei theih dan tur zirna atan dollar maktaduai khat a ruahman dawn bawk. Mipui nawlpui hnenah ei tur bangnawi titlem tura campaign neih pawh an tum bawk.