Obama'n mi 214 jail tan hun a tihtawi sak

US President Barack Obama chuan jail-a tang mek mi 214-te chu an tan hun chhung a tihtawi sak.

President Obama thutlukna siam hi kum 100 chuang chhunga US president-in tangte chunga zahngaihna a lantir nasat ber ṭum a nih thu official-te chuan an sawi. Tang hremna tihnep sak zingah hian damchhung tang tura hrem mi 67 an tel.

Official-te chuan President Obama hian a president chhungin, mitang hremna a tihnepsak te hi mi 562 an tling tawh a, a hmaa president pakua-ten an tihnepsak zawng zawng belhkhawm ai pawhin a tam zawk a ni.

US tan-in tang zinga 47% chu ruihhlo kaihhnawiha thila tang an ni. President Obama chuan ṭhenkhat chu jail-ah tan tir an ni rei lutuk niin a sawi. Hremna a tihnep sak zinga a tam ber hi ruihho kaihhnawihah thiam loh chantirte an ni.