Chhawmdawlna hnawl ngam turin Africa hruaitute an ngen

Kenya ram President Uhuru Ken­yatta chuan Africa ram hruai­tute hnenah ramdang aṭanga chhawmdawlna an dawn ṭhinte chu titawp ngam turin a ngen.

South Africa-a African Union summit neihah he thu hi sawiin, Kenyatta chuan, "Chhawmdawlna aṭang chuan a dinchan theih lo a, midang chhawm­dawlna ringawta innghah tumna hi tihtawp a ngai tawh a ni," a ti. Hemi rual hian an ramin chhawmdawlna a dawn ṭhin chu a titawp dawn em tih erawh a sawilang lo.

Kenya sum lakluh zinga 5-6% hi Aids hri dona tur leh a veite enkawlna tura ṭanpuina a dawn a ni. Mahse kum li chhung chu ramdang aṭanga chhawmdawlna dawng miah loin a lo awm tawh a ni. Kenya ram ṭanpuina sum petu liante chu US, EU leh UK-te an ni.

Kenyatta chuan ram­dang aṭanga chhawm­dawlna an lak dawn chuan eng emaw intiamkamna neihte a ngai ṭhin a, hei hian hmasawnna tur kawng a dal fo a ni, a ti.