SAfrica chhuahsan lo turin Sudan President hriattir

South Africa court chuan Afri­can Union summit hmanga an rama cham mek, Sudan President Omar al-Bashir chu an ram chhuahsan lo turin a hriattir.

International Criminal Court (ICC) chuan AU summit hmanga a kal dawn vang hian al-Bashir hi man turin South Africa hnenah a ngen tawh a ni. Sudan President hi an ram Darfur biala tualchhung indona thlengah civil mite chunga pawi­khawihna thlenga inhnam­hnawih leh mi tam tak suatnaa inhnamhnawiha puhin man a tum mek a ni. Mahse Bashir chuan an puhnate hi thu dik lo tiin a sawi thung.

SAfrica state lawyer-te chuan Pretoria-a court-ah Sudan Presi­dent chungchang hi ngaihtuah a ni dawn tih an sawi a, high court hian Bashir hi ICC hnena hlan a nih dawn leh dawn loh a ngaihtuah ang.

Mahse Sudan President thu­puangtu chuan Bashir hian South Africa hi nimin khan a chhuahsan dawn niin a sawi.

Kar kalta Inrinni khan Sudan President hian African Union summit hmang tur hian Johan­nesburg hi a thleng a, South Afri­can official-te chuan ṭha takin an lo dawngsawng.