Mi tangte chaw ei luih tirna tur pass

Israel cabinet chuan an ram jail-a tang, chaw ngheia nawrh huai­­hawtte, an nunna din­hmun derthawnga awmte chawi ei luihtir an nih theihna tur bill a pass.

Internal Security Mi­nister Gilad Edran chuan Pathiannia cabinet mee­ting-ah bill hi pu lutin, tang zinga chaw ngheia nawrh huaihawt, a bikin Palestinian mite chu Israel tan an him lo a ni, a ti. Erdan chuan, "Tan-ina tang mek, firfiakte'n chaw ngheia nawrh an huaihawt hi Israel an vauna chi khat a ni," a ti.

Cabinet-in bill a pawm hi parliament (Knesset) ah ngaihtuah a ni leh ang. He bill hi nikum khan Israel sorkar chuan a lo pawm tawh a, mahse Knesset-ah putluh a nih hnuah hnawl a ni.

Israeli Medical Association chairman, Leonid Eidelman chuan cabinet-in nawrh huaihawt, mi tangte chaw ei luih tir theihna tur bill a pawm hi a sawisel a, thil tihawm lo tak a ni, a ti.

Human Rights pawhin bill hi a sawisel a, medical ethics leh international conventions palzutna lian tak a ni, a ti. "Mi tangte chu zahthlak taka siam a, chawi ei luihtir loin, Israel chuan an thil phutte chu chinfel sak dan a ngaihtuah zawk tur a ni," a ti.