Nepal-a historical site-te hawn a ni leh dawn

April thlaa na taka lir a nghin avanga Nepal rama heritage site hrang hrang kharte chu hawn a ni leh dawn ta. Hawn tur zingah hian Durbar squares, noble courts te pawh a tel.

UNESCO chuan heritage site-te hawn tur hi a la him tawk lo niin a ngai a, mahse official-te chuan thil ṭul leh buaipui ngaite tihfel a nih tawh tiin an sawi thung.

Nepal rama lirnghing vang khan mi 8,000 chuang an thi a, UNESCO director general Irina Bokova chuan lirnghing vanga Kathmandu Valley-a chhiatna thleng chu a rapthlak hle tih sawiin, thil awmdawn leh chhiat dante enchiang turin team an tir tawh tih a sawi.

June 11 khan UNESCO chuan thuchhuah siamin, heritage site bulahte chuan fimkhur turin mipuite a chah a, hei bakah hian sorkarin hawn leh mai a tum pawh chu ngaihtuah ṭha leh tura ngen a tum bawk.