Palestinian Authority-in West Bank-ah Al-Jazeera TV tih tawp sak

Palestinian Authority chuan Arab channel, Al Jazeera chu thu thar a pek chhuah danah mipuite inhuatna thlen thei zawng leh thliar bik neia ti chhuakah puhin, West Bank-ah an channel a tih tawp sak.

Al-Jazeera lam chuan Palestinian Authority thutlukna siam chu mak an tih thu sawiin, Israel-in a luah West Bank-a thil thleng dik tak an puanzar ṭhin thup an tumna niin a puh ve thung. Thuneituten an channel tih chhuah an khapsakna chhan chu tun hnaia Palestinian security force-in Jenin refugee camp beia, mi 11 an thah chungchang an puan chhuah vang niin a sawi.

Gaza Strip-a indona thleng hi Al Jazeera chuan a cover ṭha hle a, hei vang hian Palestinian mi pawhin an en nasa hle. Israel-ah chuan Arabi leh English-a an tih chhuah khapsak an lo ni tawh bawk.

Palestinian pawl, Palestinian Authority-a thuneihna changtu, Fatah chuan Al Jazeera chu Palestinian security force-te chet dan a tarlan chungchangah, Arab mipui, a bikin Palestinian mite ṭhendarh tumah a puh a ni.