Israel dodaltute Times Square-ah pungkhawm

Israel dodaltu mi tam tak chu kum thar ni tak, Nilaini khan New York-a Times Square-ah an pungkhawm a, 'intifada revolution' an duh thute an aupui. Kal khawmte hian Palestinian flag kengin, Israel an demna thuziak hrang hrang an keng lang bawk.

Times Square-a Palestinian thlawptute punkhawm hi New Orleans-a firfiak pawikhawihna thlen vanga mi 15 an thih hnu darkar rei lote hnuah a ni. Lungawi lohna lantirna hi Palestinian Youth Movement, Party of Socialism and Liberation leh People's Forum huaihawt a ni. He huna kalkhawmte hian buaina chinfelna tur pakhat chauh a awm a, chu chu Israel in Palestinian ram a luah tih tawp a nih theihna tura dodalna, 'intifada revolution' a ni tiin an sawi. Israel laka Gaza chet dan chu an chhuan thute an sawi bawk.

Kum thar ni khan New Orleans-a French Quarter chu US army veteran, Shamsud-Din Jabbar chuan a motor, ISIS flag a tarna hmangin a bei a, mi 15 an thi a, hliam 30 vel an awm. Hliam tuar zingah ina police officer pahnih an tel. Police-te chuan Jabbar hi a hnuah an kap hlum zui ve nghal a ni. He pawikhawihna thleng hi chhui chian mek a ni a, Jabbar hian a pawikhawihna thlen tur hian puitu a nei maithei niin police-te chuan an sawi. A truck-ah leh hmun dangah pipe bomb pathum hmuh a ni.