South-in NKorea nena inbiak a rawt

South Korea chuan intiamkamna engmah awm loin North Korea chu an inkar boruak siamṭha tura inbiakna neihpuiah a sawm.

SKorea Unification Ministry chuan thuchhuah siamin, NKorea chu an inkar boruak tichhe zawnga a sipaite chet ṭhin dan tihtawp tir turin a ngen. NKorea sorkar chu thil phut leh thudelhkilh nei loin, ram pahnih mipuite hmakhua ngaia inbiakna dawhkan kil turin a ngen a ni.

Korea ram pahnihte'n inrin tawnna leh inpumkhatna an neih chuan inbiakna neih theih loh chhan a awm lo tiin NKorea chuan a sawi. SKorea chu Joint Declaration an lo siam tawhte a taka kalpui a, US nena joint annual war games a neihte titawp turin a ngen.

Kum 2000 June 15-a Korea ram pahnihte'n Joint Declaration an siamah chuan Korea ram inpum­khatna tura lungrual taka hmalak an rawt a ni.