Myanmar leh Thailand thawkdun dawn

Myanmar leh Thailand chuan energy leh electric power lama thawhdunna tura inremna, memorandum of understanding (MoU) an ziak.

Ram pahniha energy leh electric power minister-te'n MoU hi an ziak a, liquefied natural gas lakluh leh semdarh chungchang leh, supply tam zawk siamnaahte an thawkdun ang.

Myanmar Ministry of Commerce chuan oil leh natural gas an hralhchhuah aṭangin kum 2014-15 chhungin US dollar tluklehdingawn 4.6 chuang an la lut tih a sawi a, sector zingah sum la lut tam ber a ni. Gas hi Yadana, Shwe, Yetagun leh Zawtika gas field aṭanga siam niin, Thailand leh China ram chu an thawnluh tamna ber a ni.

Kuminah Britain, Australia, Canada, Japan, Italy leh India rama company pariatte chuan Myanmar rama Rakhine, Taninthaya leh Mottama bialah oil leh gas zawnchhuah hna thawk turin contract an ziahpui tawh bawk.

May 2015 thlenga Myanmar oil leh gas sector-a foreign investment hi US dollar tluklehdingawn 19.641 a tling a, hei hi Myanmar ramrin sector hrang hranga foreign investment a hmuh aṭanga 34.74% a tling.