Florida Governor hluiin US president candidate chuh a tum

Florida Governor hlui, Jeb Bush chuan kum 2016-a US President thlanna neih turah Re­pub­lican candidate chuh a tum thu a puang ve leh. Jeb Bush nen hian Re­publican party aṭanga pre­sident candidate chuh tum mi 11 an awm.

US President hlui, George HW Bush-a fapa, kum 62 mi, Jeb Bush chuan president candidate chuh a tum thu hi governor term hnih a lo chelh tawhna, Florida state Miami Dade College-a rally neihah Thawhṭanni khan a puang. "America chuan dinhmun ṭha zawk neih a phu tawh a ni," a ti.

Pathianni khan Bush-a campaign team chuan a logo thar, 'Jeb!' tih chu an tlangzarh a, hetah hian a surname Bush tih chu an telh duh lo.